ग्रामपंचायत कवाडा

      २०११ च्या भारतीय जनगणनेनुसार कवाडा गावात सुमारे ६०० कुटुंबे राहतात. एकूण सुमारे 3127 च्या आसपास लोकसंख्या असून पुरुष व महिलांचे प्रमाण जवळपास समसमान आहे. गावातील लोकसंख्येमध्ये प्रामुख्याने आदिवासी (वारली, कोकणा इ.) व कुणबी समाजातील लोक राहतात. शेती हा गावाचा मुख्य व्यवसाय असून भात, नागली, वरई व भाजीपाला पिकवला जातो. काही लोक शेतमजुरी, वीटभट्टी, बांधकाम तसेच औद्योगिक क्षेत्रात काम करतात. महिलांमध्ये स्वयं-सहायता गटांच्या माध्यमातून बचत गट व लघुउद्योगही चालवले जातात.